Traduko

Tiu chi GitHub-deponejo entenas MacroDroid-makroojn por preskau realtempaj transskribo kaj traduko Esperanten (au alilingven) de la sono eniranta en la mikrofonan enigon.

Antaukondichoj

Por la bezonataj dosieroj la makroo uzas dosierujon /storage/emulated/0/dosierujo/ en la interna memoro de Android. Certigu, ke tiu dosierujo ekzistas kaj tiucele estas uzebla. Krome la uzanto bezonas validan OpenAI-API-shlosilon.

Importi la makroojn

1. Elshutu en vian smartfonon makroojn traduko_0.macro, traduko_1.macro, traduko_2.macro, traduko_3.macro, traduko_4.macro, traduko_5.macro, traduko_6.macro kaj traduko_7.macro.
2. Malfermu apon MacroDroid.
3. En ghin importu la elshutitan makroo-dosieron traduko_0.macro trovighantan en via smartfono.
4. Donu chiujn necesajn permesojn al MacroDroid.
5. Ripetu pashojn 3 ghis 4 por la ceteraj elshutita makroo-dosiero traduko_1.macro ghis traduko_7.macro.
6. En ties agoj Shell Script kaj AI-LLM-peto anstatauigu la shablonan OpenAI-API-shlosilon per valida OpenAI-API-shlosilo kaj konservu chion.

Jen kiel funkcias la makrooj

Post kiam la uzanto estas startiginta per la menuo la agojn de makroo traduko_0 ("Testi agojn"), ghi

1. startigas sonregistron de la mikrofona enigo por malmultaj sekundoj,
2. startigas makroojn traduko_1 ghis traduko_7, por transskribi kaj traduki Esperanten la sonregistrajhon kaj surekranigi la tradukon, kaj krome
3. ripetas ekde 1, ghis la uzanto malaktivigas makroon traduko_0 per la menuo.

Temas do pri preskau realtempa traduko.

Noto: La uzanto povas specifi cellingvon de la traduko alian, ol Esperanton, jene: En ago AI-LLM-peto de la makrooj traduko_1 ghis traduko_7 la uzanto anstatauigas vorton "Esperanton" per la nomo de la anstataue celata lingvo, ekzemple "la germanan".

Permesilo ("License")

Chi tiu projekto estas publikigita sub la MIT-permesilo.

Vi estas libera uzi, modifi kaj distribui chi tiun projekton, se vi konservas la kopirajtan avizon.